جه وقت التعريف عن واحدة من أمتع الكليات في دراستها، كلية الصيدلة💊
علم الصيدلة هو من العلوم التابعة إلى مجال العلوم الطبيعية والطّبية وترتبط دراستها بعلم الكمياء والأحياء، مهنة الصيدلة واحدة من المهن الإنسانية الكبيرة جدًا فبالتالي هي من أعظم الأرزاق اللي ممكن تساق لينا، كمان هي جامعة بين علوم مختلفه بتدرس فيها مواد من بشري ومواد من علوم بجانب دراسة مواد صيدلة، فأنت مممكن تطبق العلم دا بعدين إن شاء الله في مجالات مختلفه كتير.
📍أما عن التنسيق الأعوام الماضية
📌 تنسيق عام 2021
- صيدلة القاهره بنين 613، بنات 617
- صيدلة أسيوط بنين 609، بنات 614
📌 تنسيق عام 2020
- صيدلة القاهره بنين وبنات 628
- صيدلة أسيوط بنين وبنات 626
تنسيق كلية الصيدلة لعام 2023
في الجامعات الحكومية تتراوح بين 375.5(صيدلة سوهاج كحد أقصى 367صيدلة السادات
حلوان ،صيدلة الوادي الجديد الحد الأدنى للقبول في كليات الصيدلة في الجامعات الأهلية كان 70%، بينما كان الحد الأدنى في الجامعات الخاصة 65%.
تنسيق صيدلة عام ٢٠٢٤
مجموع يتراوح بين ٣٨٠الى ٣٧٦
الحد الأدنى للقبول في كليات الصيدلة الحكومية:
جامعة القاهرة: 377 درجة.
جامعة عين شمس: 376.5 درجة.
جامعة المنصورة: 378.5 درجة.
جامعة سوهاج: 380 درجة.
جامعة جنوب الوادي: 378.5 درجة.
جامعة أسيوط: 378 درجة.
جامعة طنطا: 377.5 درجة.
جامعة الزقازيق: 377.5 درجة.
جامعة كفر الشيخ (صيدلة وتصنيع دوائي): 377.5 درجة.
جامعة المنيا: 377.5 درجة.
جامعة بني سويف: 377 درجة.
جامعة قناة السويس: 377 درجة.
جامعة المنوفية: 377 درجة.
جامعة دمنهور: 377 درجة.
جامعة بورسعيد: 377 درجة.
جامعة الإسكندرية: 377 درجة.
جامعة الفيوم: 376.5 درجة.
جامعة مدينة السادات: 376 درجة.
📍أقسام الكلية
- Pharm D
هي زي النظام القديم للكلية اللي هو general اللي كان بيتدرس فيها جميع الفروع بحيث تكون مهيأ للتخصص في أي مجال تحب تكمل فيه بعد كدا، لكن التعديل إن بقى فيه نسبة أكتر من مواد طب ودا بيديك إفادة أكبر أكيد، وبعد كدا القسم دا بيأهلك أكتر لتصنيع الدواء والتعامل مع المرضى بشكل مباشر من خلال الصيدلية
-clinical
دا قسم بيكون بمصروفات خاصة، فيه اختلاف بين Pharm D في مناهج المواد وبعد كدا في السنين الأخيرة ليكم هتدرسو مواد من بشري أكتر، القسم دا بيأهلك تشتغل ضمن فريق طبي وتتعامل مع الأطباء والمرضى بشكل مباشر، وتحدد جرعات أدوية حسب حالة كل مريض.
📍المواد في الكلية بتتقسم لنوعين:
📌مواد غير ممتدة ودي بندرسها ترم واحد بس زي مثلًا المصطلحات الطبية، مدخل صيدلة والرياضة وغيرهم.
📌مواد ممتدة ودي مواد بناخدها كذا ترم ورى بعض زي الكمياء العضوية والكمياء التحليليه ومادة العقاقير وغيرهم برده.
📍الدراسة نفسها متقسمة لـ:
١_جزء نظري
٢_ وجزء عملي وبيكون في مقرر دراسي يخص الشغل العملي تحت مسمى pre lab "نظري العملي"
٣_ في أبحاث بتكون مطلوبة منك في مواد التخصص بتكون ضمن مجموعة وتسلموها وتناقشوها وهكذا.
الدراسة مش متلخصة في امتحان الفاينل وبس، الدرجات بتكون متوزعة طول السنة على نظري العملي والعملي والأبحاث، المادة مثلًا تكون من 150 تدخل تلاقي ورقة الفاينل 75 وباقي الدرجات متوزعة طول الترم.
📍 الكلية بقت بتتعامل بنظام الساعات المعتمدة وGPA.
النتيجة بقت تتحسب وفقا للـ GPA
الاختصار ده معناه"grade point average"
يعني إيه؟
يعني المعدل التراكمي خلال سنين دراستك.
هو بيكون درجة من 1:4
4: 3.7=امتياز
2.7:3.6= جيد جدًا
1.7: 2.6=جيد
أعلى من 1 = مقبول
كنسبة تقدير هي نفس النسب الطبيعية،
يعني فوق 85٪ = امتياز وهكذا
📍أما بالنسبة لمواد الترم الأول فهي بتنقسم إلى
📌- مادة الكيمياء العضوية
ودي حقيقي من أمتع الأقسام في صيدلة، بندرس فيها التفاعلات الكيميائية بين المواد اللي إحنا بنستخدمها فى تحضير الأدوية
وبتكون جزئين نظري وعملي،
العملي بنشتغل فيه بايدينا داخل المعمل وبنكشف عن المواد.
📌 - مادة الكمياء التحليلية
الجزء النظري اللي فيها مبني على الباب الثاني ل٣ث والكشف عن الأنوينات والكاتيونات بس أوسع شوية أكيد، أما الجزء العملي فهو من أمتع المعامل الي هتدخلها في التيرم الأول وهتكون مستمتع بالألوان والتجارب.
📌- مادة النباتات الطبية
ودى بتتكلم عن النباتات الطبية وإزاي نستخلص منها المادة الفعالة علشان نستخدمها فى صناعة الأدوية وإيع هي استخدامات المواد الطبيعية دي في الطب بمعنى أصح "الطب الشعبي".
📌- مدخل صيدلة
ودي مادة هتعرفنا بشكل بسيط عن تاريخ الصيدلة في الأعوام السابقه وازاي اتطورت الصيدله على مر العصور وهتدينا معلومات مبسطه لأشكال الأدوية في الصيدليه الي بعد كدا بإذن الله هندرسها على توسع أكبر.
📌- مادة المصطلحات الطبية
مادة من أسهل المواد الي هندرسها، بتتكلم عن المصطلحات اللاتينيه اللي في المجال الطبي ودي بتفيدك في كل المواد لأنها عبارة عن مصطلح لاتيني ومعناه باللغة الإنجليزية.
📌- رياضة
الرياضة هتكون نفس منهج التفاضل والتكامل بتاع ٣ث بالظبط مع اختلاف بس إن دراستها هتكون باللغة الإنجليزيه بدل ما كنا بندرسها بالعربي، فهي بإذن الله بسيطة.
📌- حاسب آلي
المادة دي جزء نظري وجزء عملي هندرس فيها بشكل بسيط عن نظام الWord وال Excel وأنواع أجهزة الكمبيوتر والفرق بين الHardware والSoftware.
📌- مادة الفقه
هندرس فيه الأحكام الشرعية الخاصة بالأمور الطبية والخاصة بصيدلة.
📌- حقوق إنسان
مادة سهلة وبسيطة ودراستها هتكون باللغة العربية.
سنة أولى مش مشكلتها في المنهج ولكن التعود على المكان الجديد والدراسة الجديدة، خلينا متفقين إن بداية أي شيء بتكون صعبة، بس هتقعد فترة وهتتعود وهتفهم كل شيء وهتكون الأمور ميسرة، دا غير إن الدكاتره متعاونين جدًا وهيسهلو عليكم كتير بإذن الله.
📍كل ترم بتقابل مواد جديدة، وفي كل مادة في كذا دكتور بيدخل يشرح المادة الواحدة وكل دكتور له طريقته وعايزك تطلع بحاجة معينة من المقرر، بناءًا على كدا أنت محتاج تكتسب المرونة في التعامل مع المعلومة، المعلومة عاملة زي العجينة الـلي ممكن تتشكل بهيئات كتير جدًا، كمان لازم يكون عندك صبر في التعامل مع المادة.
📍صيدلة دراستها مش سهلة
يعني ايه؟
يعني مينفعش تيجي تبص في المادة أول مرة ليلة الامتحان!
يعني مينفعش تفضل مقضيها طول التيرم لعب وغياب عن المعامل والميدتيرم وغيره وتيجي تقول صيدلة صعبة!
📍وبما إن صيدلة بتجمع بين علوم مختلفه كتيره، فهي بتتميز عن باقي الكليات بتعدد مجالات الشغل فيها ودا شيء مميز جدًا، يعني مثلا ..
📌- العمل في مجال الصيدلة الإكلينيكية (السريرية)
بيتخصص الصيدلي بمتابعة خطط العلاج والأدوية المستخدمه لعلاج المريض، وتعريف كافة التداخلات الكميائية المتوقعة بين تأثير الأدوية المختلفه وبالتالي بيساعد الطبيب المعالج.
📌- العمل في مجال الصيدلة الإكلينيكية قسم الأورام
بيطلق على الصيدلي في المجال دا "صيدلي الأورام" ودا من أفضل مجالات العمل الخاص بالصيادلة، دوره بيكون مبني على تحضير الأدوية الكميائية المطلوبة وتحديد الجرعة المناسبة لكل مريض وفقًا لحالته المرضية، ومراجعة الخطة العلاجية مع الطبيب المعالج لتحقيق أعلى نسب شفاء.
📌- إدارة الجودة داخل المستشفيات
دور الصيدلي في المجال دا بيكون رفع مستوى الجودة والرعاية الصحية داخل المستشفيات والمراكز الطبية، وتطوير الأجهزه الطبية ومراجعة الإجرائات العلاجية لمحاولة تجنب الأخطاء التي ينتج عنها انتشار الأمراض.
📌- العمل في مصانع الأدوية:
بيكون دور الصيدلي في المجال دا هو تصنيع وإنتاج الأدوية وتطويرها واكتشاف المزيد من الوسائل والطرق العلاجيه، بجانب الإشراف على خطط الإنتاج بالمصنع.
📌- التدريس الجامعي:
العمل في مجال التدريس الأكاديمي ضمن فريق أعضاء هيئة التدريس في أحد كليات الصيدلة.
📌-إنشاء صيدلية خاصة:
ودا العمل الشائع والمتعارف عليه لمهنة الصيدلة، والصيدلي مش مجرد بيخرج الدواء وبس لأنه بيراجع الأدوية بناء على تشخيص الدكتور ولو فى أى تداخلات بين الأدوية هو بيصلح دا وبينقذ حياة الإنسان.
وكمان مننساش إن الصيدلى هو المتعامل المباشر مع المرضى وطبعًا عارفين أول ماحد بيتعب أول مكان بيفكر فيه هو الصيدلية.
والصيدلى بيتعامل مع الحالة بما يُسمح له فى دراسته ل otc وبعض الحالات يتم تحويلها إلى الدكتور المتخصص وهنا بيُطلق عليه "صيدلي المجتمع".
📌-مندوب دعاية طبية (ميديكال ريب)
الصيدلي هنا بيعمل دعاية لأحد منتجات شركات الأدوية في عيادات الأطباء والمستشفيات والمراكز الطبية، وإعطاء الطبيب كل مايريده من معلومات حول الدواء وإقناعه بالمنتج.
وغيره وغيره من المجالات المتاحة لمهنة الصيدلة.
📍كمان في صيدلة ممكن تكمل دراسة في دبلومات بعد التخرج تأهلك تشتغل في تخصصات ومجالات مختلفه، والدبلومات دي عديدة منها:
📌- دبلومة الصيدلة الإكلينيكية تخصص (الرعاية الحرجة)
📌- دبلومة الصيدلة الإكلينيكية تخصص (الأورام)
📌- دبلومة الصيدلة تخصص (المعلومات الدوائية)
📌- دبلومة الصيدلية الإكلينيكية تخصص (التغذية العلاجية)
📌- دبلومة الصيدلة الإكلينيكية تخصص (القلب والأوعية الدموية)
📌- دبلومة الصيدلة تخصص (التجميل)
وغيرها من الدبلومات اللي بتأهلنا بعد كدا نشتغل في التخصص بتاع الدبلومة وتفتح عيادات بعد دراسة الدبلومة زي عيادة التجميل وعيادة التغذية وهكذا.
📍نقطة مهمة: أنت لما تيجي تتعلم لغة جديدة، بتبدأ تتعلم الحروف ثم تدريجيا بتتعلم الكلمات الأقل في عدد في حروفها ثم تتطور تدريجيًا.
نفس الشيء في أي علم، أنت مش هتدخل تلاقي نفسك بتاخد أدوية من سنة أولى، بل خلال أول سنتين بتاخد العلوم اللي تؤهلك إنك لما توصل للعلوم المميزة لصيدلة فيما يخص الأدوية تكون خلاص فهمت فكرتها وقادر تستوعب، كل مادة هتاخدها ممكن تكون مفيدة ليك لو حبيت تتخص وتكمل فيها، هتلاقي المواد بتكمّل بعض إلى حد كبير.
📍 اللي يجي يقولك الصيدلي بياع هو مش فاهم حاجة عن دورك ويا ريت مش تنساق ورا الكلام ده، أي شخص مؤمن بالمكان اللي هو فيه وبيحاول منه ده كفيل إنه يبقى لدوره معنى وأهمية، فضلّا عن إن دور الصيدلي مهم جدًا في أي مجال هيشتغله، خلينا في أقرب مثال، الصيدلي الشغال في صيدلية، كم شخص بيجي الصيدلية قبل ما يروح للدكتور ده إذا راح أصلًا؟ كم شخص ممكن يموت بسبب غلطة في جرعات الأدوية أو عدم مراعاة تداخلات دوائية؟ كم طفل ممكن يموت أو يجيله تخلف عقلي بسبب دوا طلع غلط أو جرعة مكنتش مظبوطة أو حاجة المفروض يتنبه عليها متنبهش عليها لمجرد إن الواقف مش صيدلي أو صيدلي مش مسؤول؟!
نهايةً، صيدلة جميلة ودراستها ممتعة جدًا وقيّمة وتقدر تشوف أثرها بحياتك على نطاق واسع، دكاترتنا متعاونين وكل واحد منهم بيحاول بطريقته يوصل المعلومة، دفعات صيدلة في بينهم وبين بعض روح جميلة وبيفيدوا بعض.