🔴 كلية العلوم (كلية العظماء)
كلية العلوم بتقبل علمي علوم ورياضة
🔵 مدة الدراسة وطبيعتها
- 4 سنين دراسة.
- أول سنة تعتبر عامة بتدرس فيها كل المواد الأساسية زي كيميا، فيزيا، رياضة، جيولوجيا، أحياء.
- بعدها بتبدأ تتخصص على حسب رغبتك وتقديرك ونظام الكلية بتاعتك.
🔵 لغة ونظام الدراسة
- الدراسة في الأغلب بالإنجليزي، وبتتعامل مع مصطلحات علمية كتير.
- النظام دلوقتي في معظم الكليات بالساعات المعتمدة، يعني تختار موادك بنفسك على حسب التراك.
🔵 أهم الأقسام
الأقسام بتختلف من جامعة للتانية، بس أغلبها بيكون:
- كيمياء
- فيزياء
- جيولوجيا
- رياضيات
- حيوان
- نبات
- ميكروبيولوجي
- كيمياء حيوية
- علوم بحار
- بيوفيزياء
- بايوتكنولوجي (لو موجود في كليتك هيكون بمصاريف)
🔵 أهم المواد اللي هتدرسها
- كيميا (عضوية وغير عضوية وتحليلية)
- فيزيا (كهربية، ميكانيكا، حرارية)
- بيولوجي (تشريح، فسيولوجي، وراثة)
- جيولوجيا
- رياضيات وإحصاء
- مواد القسم المتخصص (زي تحاليل، تحضيرات، أبحاث)
🔵 مرحلة العملي
- الكلية كلها تقريبًا معمل.
- هتشتغل بإيدك في تجارب وتحاليل وتقارير، وهي دي أهم حاجة هتفرقك عن أي خريج تاني.
🔵 مجالات الشغل بعد التخرج
- لو قسم كيميا: معامل تحاليل، مصانع أدوية، مستحضرات تجميل، أسمدة.
- لو جيولوجيا: شركات بترول ومياه وتعدين.
- لو بايو أو ميكرو: تحاليل طبية وأبحاث.
- لو فيزيا ورياضية: مراكز أبحاث، تدريس، شركات برمجيات.
- تقدر تكمل دراسات عليا وتشتغل في التدريس الجامعي.
🔵 مميزاتها
- كلية العلوم ليها مجالات كتير جدًا وبتفتحلك أبواب دراسات عليا محترمة.
- بتعلمك البحث والتجارب وتحليل أي مشكلة بشكل علمي.
- فرص شغل في الخارج كويسة جدًا لو معاك ماستر أو دكتوراه.
🔵 عيوبها
- محتاجة مذاكرة كتير جدًا وتقرير ومعامل طول السنة.
- أغلب شغلها في مصر مش عالي المرتب إلا لو دخلت شركات أدوية أو بترول.
- لازم تكمل دراسات عليا لو عايز مستقبل أكاديمي قوي.
🔵 مين تنفع له ومين ما تنفعش؟
- تنفع للناس اللي بتحب المعامل والبحث العلمي والتجارب.
- تنفع للي دماغه شغالة في التفاصيل ومش بيزهق من تقارير وتجارب.
- ما تنفعش للي بيكره الكيميا والفيزيا أو مش مستعد يقضي نص عمره في معمل.
🔵 الخلاصة
- كلية العلوم مش كلية «بتعاديها والسلام».. دي محتاجة تركيز وتعب وصبر.
- لو بتحب التجارب والبحث العلمي ودماغك فيها شغف، خشها وانت مطمن.
- لو مش قدها، وفر على نفسك وعلى أهلك وادخل كلية تانية ترتاح فيها.
يارب نولها لكل طالب تعب واجتهد وسعى ليها 💙
